Leiga og skil

Umsóknir

Allir þeir er uppfylla skilyrði um úthlutun geta sótt um leiguíbúðir Leiguliða ehf.

Frá og með 4 september 2007 er aldurstakmark umsækjenda 20 ár, ekki verður tekið við umsóknum frá aðilum yngri en það.

Úthlutun íbúða og leigusamninga.

• Allar íbúðir sem eru lausar til umsóknar skulu auglýstar í svæðisblöðum viðkomandi sveitafélags og / eða á heimasíðu félagsins www.leigulidar.is.
• Umsóknartímabil er hið minnsta fimm virkir dagar.
• Staðfestingargjald er kr 20.000 og leggist inn á 0324-13-300106 kt 450901-3420 eftir að umsækjandi hefur fengið staðfestingu frá Leiguliðum um íbúð.
• Ef fleiri en einn umsækjandi eru um lausa íbúð fær sá er efstur á lista íbúðina.
• Ef viðkomandi hættir við eða uppfyllir ekki skilyrði um úthlutun skal sá sem er næstur fá úthlutun o.s.frv.Staðfestingar gjald er ekki endurgreitt en fer upp í umsýslugjaldið.

Umsýslugjald og leigutími:
Um áramótin 2006-2007 verður sú breyting hjá Leiguliðum að ekki verða gerðir leigusamningar undir 12 mánuðum. Einnig verður sú breyting að nú verður rukkað fast umsýslugjald kr 60.000 á íbúð.

Umsýslugjald greiðir fyrir:

• Úttektargjald: við skil á íbúð er frá kr 16.800
• Sílinderskipti: við skil á íbúð er frá kr 11.500
• Samningsgerð: útbúa leigusamnig og tíma pantanir um kr 25.000
• Umsýslugjald:
• Það sem flokkast undir þennan lið : Samskipti við leigutaka og þá lánastofnun sem viðkomandi er í viðskiptum við og eða félagsmálastofnun, panta úttektir, álestur á rafmagni við upphaf og leigulok,fara með leigusamningi í afléttun hjá sýslumanni svo fátt eitt sé talið upp.

Umsýslugjald greiðir ekki skemmdir á íbúð sem koma fram við lokaúttekt eða málun á íbúð.

Greiða þarf eftirstöðvar umsýslugjalds með fyrstu leigugreiðslu.

Þessi breyting kemur til vegna kostnaðar við hver leiguskipti, leigutakar hafa ekki gert sér grein fyrir því að hann er sá sami eftir 2-4-6 eða 12 mánuði. Það hefur verið stefna frá upphafi hjá Leiguliðum að halda öllum kostnaði vegna leiguskipta í lágmarki. En það er alltaf viss kostnaður sem fellur til þegar skilað er inn íbúð.

Ef upp koma vandamál varðandi skemmdir á íbúð við skil fær leigutaki sendan sér reikning fyrir matskostnaði samkvæmt skýrslu óháðs matsmanns.

Greiðsluskilmálar:

• Greiða þarf tryggingarfé sem nemur 4 mánaðar leigu eða skila inn bankaábyrgð, sem nemur 5 mánaðar leigu. Ganga þarf frá þessu innan sjö daga frá úthlutun.
• Leiga skal ávallt greidd fyrsta dag hvers mánaðar og eindagi er sjö dögum síðar. Momentum sér um að innheimta leigugreiðslur fyrir Leiguliða.
• í upphafi er gerður tímabundinn leigusamningur til 12 mánaða. Samningur er ávallt endurnýjaður óski leigutaki þess, nema um sé að ræða vanefndir leigjanda samkvæmt 61.gr. húsaleigulaga. Sé samningur endurnýjaður er hann minnst til 6 mánaða með 3 mánaðar uppsagnarfresti beggja aðila ef leigutaki hefur lagt fram tryggingarfé. Endurnýjun á samningi með bankaábyrgð fer eftir lengd ábyrgðar. Tryggingarfé ber vísitölu meðan á leigu stendur.

Uppsögn og úttekt íbúða:

• Uppsagnarfrestur beggja aðila að loknum reynslutíma er lögum samkvæmt sex mánuðir nema um annað sé samið. Að loknum fimm ára samningi er uppsagnarfrestur leigusala tólf mánuðir.
• Komi til uppsagnar innan 12 mánarðar er uppsagnarfrestur 6 mánuðir á samingum hjá Leiguliðum. Uppsögn skal vera skrifleg og rökstudd.
• Á uppsagnarfresti er leigutaka skylt að sýna hið leigða væntanlegum leigjendum en jafnan skal tilkynna slíka heimsókn með hæfilegu fyrirvara. Við slíka sýningu húsnæðis skal leigjandi eða umboðsmaður hans jafnan vera viðstaddur.

Úttektir íbúða:

• Grundvallarreglan um frágang íbúða er að þær séu vel hreinar í hólf og gólf, veggir heilir, (ekki nagla- eða spartlför), málun í góðu lagi. Gluggar skulu vera hreinir, einnig svalahurða. Gólf skulu þrifin en ekki bónuð. Þrífa allar lofttúður, skápa utan sem innan og tæki sem tilheyra íbúðinni. Perustæði og ljósaperur eiga að vera í öllum herbergjum. Málningar vinna á íbúð er gerð í samvinnu við leigusala en á kostnað leigjenda.Leigjendur fái fagaðila til að meta málningar vinnuna og vinna verkið. M.ö.o. íbúðin skal tilbúin til innflutnings fyrir næsta leigutaka.
• Skila þarf frumriti leigusamnings til skrifstofunnar eða úttektarmanns, með setningunni "Samþykkt til aflýsingar" á bakhliðinni" og undirskrift leigjanda. Leiguliðar sjá svo um að láta aflýsa samningnum hjá sýslumanni og skilar svo íbúðinni áfram til nýs íbúa. Ef samningi er ekki skilað þá tefur það fyrir uppgjörinu.

Þegar loka úttekt hefur farið fram hefur leigutaki ekki kost á því að gera við eða framkvæma aðrar viðgerðir á íbúðinni, íbúðin á að vera tilbúin frá leigutaka þegar loka úttekt fer fram.

Leiguverð:
Leigusali tekur ákvarðanir um leiguverð. Leiguverð skal taka mið af raunkostnaði við rekstur. Auk þess er m.a. reiknað í leiguverð áætlaður viðhaldskostnaður og þjónustugjald sem ákveðið er af Leiguliða ehf. Leiguverð byggir m.a á eftirtöldum útgjöldum:

• Afborgun lána
• Fasteignagjöldum
• Viðhalds- og afskriftarkostnaði
• Húseigenda- og brunatryggingu
• Hússjóði
• Þjónustugjaldi
  

Viðhaldsskyldur leigjanda og Leiguliða ehf. (leigusala)
Leigjanda er skylt að fara vel með hið leigða húsnæði og í samræmi við umsamin afnot þess. Verði hið leigða húsnæði eða fylgifé þess fyrir tjóni af völdum leigjanda, heimilismanna eða annarra manna sem leigjandi hefur leyft afnot af húsnæðinu eða umgang um það skal leigjandi gera ráðstafanir til að bæta úr tjóninu svo fljótt sem verða má. Ef leigjandi vanrækir þessar skyldur sínar er leigusala heimilt að láta fara fram viðgerð á kostnað leigjanda. Áður skal þó leigusali veita leigjanda frest í einn mánuð til þess að ljúka viðgerðinni. Leigusali annast viðhald hins leigða, innan húss sem utan, sbr. þó 3 mgr. Leigusali skal annast viðgerðir á gluggum, raftækjum, hreinlætistækjum og öðru því er fylgir húsnæðinu ef leigjandi sýnir fram á að bilanir verði ekki raktar til vanrækslu eða yfirsjónar leigjanda eða fólks á hans vegum. Leigusali skal sinna garðslætti eftir tilvikum. Leigjanda er skylt að annast á sinn kostnað viðhald á læsingum, vatnskrönum, raftenglum og öðru smálegu. Leigjanda ber einnig að halda við málningu íbúðar. Leigusali skal jafnan halda hinu leigða húsnæði í leiguhæfu ástandi, m.a. endurnýja innréttingar, gólfdúka, teppi, og annað slitlag með hæfilegu millibili, eftir því sem góðar venjur um viðhald húsnæðis segja til um. Tjón á hinu leigða, sem er bótaskylt samkvæmt skilmálum venjulegrar húseigendatryggingar, skal ætíð bera ef um íbúðarhúsnæði er að ræða. Leigjandi er skyldugur að vera með innbústryggingu en leigusali er með lögbundnar húseigenda tryggingu. Leigusali sér ekki um að láta tengja síma inn í íbúðinna, það er val leigutaka að vera með tengdan síma og ber leigutaki þar með þann kostnað.

Hússjóður fer í að greiða rekstrarkostnað:

• Að greiða fyrir hita af íbúð leigutaka
• Að greiða fyrir hita og rafmagn af sameign
• Að greiða fyrir sorphirðu/ekki fyrir aukaferðir á Sorpu. (kassar,hjól og húsgögn sem skilin hafa verið eftir í sorp-eða hjólageymslum)
• Að greiða fyrir eftirlit á lyftu/ekki viðgerðir
• Að greiða fyrir símakostnað af lyftu
• Að greiða fyrir snjómokstur
• Að greiða fyrir slátt á grasi
• Að greiða fyrir þrif á hluta af sameign
• Að greiða fyrir leiktæki og endunýjun á þeim
• Að greiða fyrir húsvörslu
• Að greiða fyrir perur í sameign
• "Þetta er sýnishorn á því hvað hússjóður greiðir fyrir"

Umhirða í sameign
Helstu reglur eru:

• Þrif á sameign skulu framkvæmd samkvæmt húsreglum hvers húss.
• Meðferð á þvottavélum og þurrkara sé ætíð til fyrirmyndar
• Fyllsta hreinlætis sé gætt í sameign og kringum húsið
• Umhirða um sorpílát og sameign kringum húsið, þá viljum við beina því sérstaklega til þeirra sem reykja að tína upp stubbana eftir sig.

Ef um er að ræða aðkeypta aðstoð við ofangreindar skyldur þá bætist sá kostnaður við hússjóðinn.